Эх дэлхийг түүхээрээ гайхуулсан тулгар төрийн 2234, Их Монгол улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104, Багахангай дүүрэг үүсэн байгуулагдсаны 36 жилийн ой наадамд дааганы уралдаанд 20 хурдан хүлэг гарааны зурхайгаас эргэлээ.Дааганы уралдааны түрүү магнайд Нийслэлийн Багахангай дүүргийн уяач Б.Мянгантулгын зээрд халзан зүсмийн даага хурдалсан бол Нийслэлийн Багахангай дүүргийн уяач С.Бадамжавын хээр зүсмийн даага аман хүзүүдлээ. Айргийн гуравт Нийслэлийн Багахангай дүүргийн уяач Алтангэрэлийн хул зүсмийн даага хурдаллаа. Харин айргийн дөрөвт Нийслэлийн Сонгино хайрхан дүүргийн уяач Б.Эрдэнэсайханы хүрэн халзан зүсмийн даага хурдалж айргийн тавд Нийслэлийн Багахангай дүүргийн уяач Ч.Бямбадашын хар зүсмийн даага хурдаллаа.
Ийнхүү дааганы уралдаанд Архангай аймгийн Чулуут сумын уяач Т.Түмэндэмбэрэлийн хул зүсмийн даага баян ходоод болж наадамчин олноо баясгалаа. Энэ жилийн баян ходоод ирэх жилийн түрүү магнай байх болтугай.
НҮБ-ын Хүүхдийн сантай хамтарч 1385 айлыг ЧИП дулаалгын төсөлд хамруулна
Нийслэлээс ус бохирдуулдаггүй, урьдчилан цэвэрлэх байгууламжтай үйлдвэр, ААН-үүдийг дэмжинэ
Тэмээтэй хөшөөний уулзвараас Зайсангийн гүүр хүртэлх авто замыг хааж, шинэчилнэ
Түгээмэл тархацтай ашигт малтмалын ашиглалтын улмаас эвдэрсэн Биокомбинат орчмын 66 га талбайг нөхөн сэргээж байна
