“МӨРӨӨДЛӨӨ АСАА” МИНИ ВОЛЕЙБОЛЫН ТЭМЦЭЭН БОЛЛОО

Нийслэлийн Засаг даргын нэрэмжит дүүргийн аварга шалгаруулах “Мөрөөдлөө асаа” мини волейболын тэмцээнд алслагдсан Багахангай, Налайх, Багануур дүүргийн ЕБС-ийн 12 нас хүртэлх сурагчдын дунд амжилттай зохион байгуулагдлаа.

Тус тэмцээнд эмэгтэй 6, эрэгтэй 8 багийн 160 гаруй тамирчид ур чадвар, хурд хүч, багийн нэгдмэл чанараараа өрсөлдсөн юм.

Тэмцээний эрэгтэй шилдэг тамирчдын тэгш тоглогчоор Б.Буянзаяа дасгалжуулагчтай 91 дүгээр сургуулийн тамирчин Э.Өсөх-Ирээдүй мөн шилдэг холбогчоор Ц.Төгөлдөр харин шилдэг хамгаалагчаар 94 дүгээр сургуулийн тамирчин Г.Батбаатар нар шалгарчээ.

Харин эмэгтэй шилдэг тамирчдаас шилдэг тоглогчоор Багахангай дүүргийн тамирчин 91 дүгээр сургуулийн тамирчин Г. Энгүүн шалгарсан бол шилдэг холбогчоор М. Энхжин нар шалгарсан юм.