НИЙСЛЭЛИЙН “ЦАХИМД СУУРИЛСАН PEARSON ХӨТӨЛБӨРИЙГ АМЖИЛТТАЙ ХЭРЭГЖҮҮЛЭГЧ БАГШ”-аар Багахангай дүүргийн 94 дүгээр сургуулийн Англи хэлний багш Б.Баярмаа шалгарлаа.

2023 оны 09 дүгээр сарын 01-ний өдрөөс эхлэн үндэсний хэмжээнд төрийн өмчийн сургуулиудын 5, 6 дугаар ангид цахим системд суурилсан англи хэлний цогц хөтөлбөрийг амжилттай хэрэгжүүлж эхэлсэн билээ.

Энэхүү хөтөлбөр нь дижитал платформ болон танхимын сургалтын хосолсон хэлбэрийг сургалтын арга барилдаа ашигладаг, сургалтын агуулга нь олон улсын жишгийн дагуу боловсруулагдсан, багшийн хөгжил болон заах арга зүйг хөгжүүлэх, сайжруулахад онцгой анхаарсан, сурагчийн сурлагын ахицыг үнэлэх боловсронгуй аргачлалтайгаараа онцлог юм.

Сурагчийн унших, сонсох, бичих, ярих ур чадварыг сайжруулах бүрэн хэрэглэгдэхүүнтэй Pearson англи хэлний цогц хөтөлбөрийг хэрэгжүүлэгч багш танд талархал илэрхийлж, ажил хөдөлмөрийн өндөр амжилтыг хүсэн ерөөе.