Багахангай–Хөшигийн хөндий чиглэлийн салбар төмөр замын бүтээн байгуулалтын ажлын эхний 87 километр төмөр замын доод бүтцийн ажлыг дотоодын аж ахуйн нэгжүүд амжилттай гүйцэтгэж байна.

“Монголын төмөр зам” ТӨХК-ийн Гүйцэтгэх захирал О.Батчулуун болон компанийн холбогдох албаны төлөөлөл Багахангай–Хөшигийн хөндий чиглэлийн салбар төмөр замын бүтээн байгуулалтын явцтай газар дээр нь очин танилцлаа.

Уг бүтээн байгуулалтын ажлын эхний 87 километр төмөр замын доод бүтцийн ажлыг дотоодын аж ахуйн нэгжүүд амжилттай гүйцэтгэж байна. Дээд бүтцийн ажлыг “Монголын төмөр зам” ТӨХК-ийн инженер, техникийн ажилтнууд өөрсдийн нөөц бололцоогоор хийж гүйцэтгэж байна.

Багахангай–Хөшигийн хөндий чиглэлийн салбар төмөр зам ашиглалтад орсноор аюултай ачаа тээврийг Улаанбаатар хотоос гаргах, нийслэлийн автозамын түгжрэлийг бууруулах зэрэг ач холбогдолтой.