/хувь/

Дүүргийн эдийн засаг, нийгмийг 2019 онд хөгжүүлэх үндсэн чиглэлийг 5 чиглэлээр 83 зорилт, 163 арга хэмжээг хэрэгжүүлэхээр төлөвлөн, хүрэх үр дүн, төсөв санхүүгийн эх үүсвэрийг тодорхойлон боловсруулж, дүүргийн ИТХ-д өргөн бариад байна.

Дүүргийн Иргэдийн Төлөөлөгчдийн Хурлын 2016 оны А/70 дугаар тогтоолоор дүүргийн Засаг даргын 2016-2020 онд хэрэгжүүлэх үйл ажиллагааны хөтөлбөрийг 90 зорилттойгоор боловсруулан батлуулж, хэрэгжилтийг ханган ажиллаж байна. 2018 оны хэрэгжилт 90,2%-тай байна.

Нийслэлийн Эдийн засаг, нийгмийг 2018 онд хөгжүүлэх үндсэн чиглэлд дүүрэгт хамаарах 9 заалтыг хяналтанд авч, 3 дугаар улирлын байдлаар 72,8%-тай хэрэгжив. 2018 оны жилийн эцсийн биелэлтийг холбогдох хэлтэс, албадаас авч, нэгтгэх шатандаа байна. Биелэлтийг НЗДТГ-ын ХШҮХ-т тухай бүр хүргүүлэн ажиллаж байна.

Дүүргийн эдийн засаг, нийгмийг 2018 онд хөгжүүлэх үндсэн чиглэлд 5 чиглэлээр 161 үйл ажиллагааг хэрэгжүүлэхээр төлөвлөн, хэрэгжилт 94%-тай хэрэгжив. Дүүргийн Иргэдийн Төлөөлөгчдийн Хуралд биелэлтийг хэлэлцүүлэн, бүрэн хангалттай үнэлэгдэв. Мөн Нийслэлийн эдийн засаг, нийгмийг 2019 онд хөгжүүлэх үндсэн чиглэлийн төлөвлөгөөнд тусгах 36 саналыг нэгтгэн, НЗДТГ-ын ХШҮХ-т хүргүүлэн ажиллав.

• Үндэсний болон дэд, төсөл хөтөлбөр
• ЗГ-ын үйл ажиллагааны хөтөлбөр
• Нийслэл, дүүргийн  эдийн засаг нийгмийн 2018 оны үндсэн чиглэл
• Ерөнхийлөгчийн зарлиг
• ЗГ-ын хуралдааны тэмдэглэл, албан даалгавар, тогтоол
• НИТХ-ын тогтоол
• Нийслэл, дүүргийн Засаг даргын захирамж, албан даалгавар
• ЗДТГ-ын хяналт шинжилгээ-үнэлгээний тайлан
• ЗДТГ-ын төлөвлөгөө
• Хууль эрх зүйн чиглэлийн үндэсний хөтөлбөрүүд
• ЗДТГ-ын хүний нөөцийн үйл ажиллагаа болон сургалт нийгмийн баталгааг хангах хөтөлбөр
• Нийслэлийн Засаг даргын дүүргийн Засаг даргатай байгуулсан гэрээ
• Нийслэлийн шуурхай үүргийн биелэлт

Lmonitoring цэсэнд хяналат шинжилгээний тайланг байршуулж байна. Дүүргийн хэмжээнд хяналтанд авсан

УИХ-ын тогтоол-2

УИХ-ын байнгын хорооны тогтоол-11

Ерөнхийлөгчийн зарлиг-4

Үндэсний аюулгүй байдлын зөвлөлийн зөвлөмж, тэмдэглэл-1

Засгийн газрын тогтоол -19

Ерөнхий сайдын захирамж-5

Засгийн газрын хуралдааны тэмдэглэл-14

Засгийн газрын албан даалгавар-1

НИТХ-ын Тэргүүлэгчдийн тогтоол-2

Нийслэлийн Засаг даргын захирамж-24

Нийслэлийн Удирдлагаас өгсөн үүрэг даалгавар-2

Нийслэлийн Засаг даргын зөвлөлийн хуралдаанаас тэмдэглэлээр өгсөн үүрэг даалгавар-3

·         Нийт 88  тогтоол шийдвэрийн 124 заалтыг хяналтанд авч хэрэгжилтийг хангуулан, биелэлтийг тухай бүр НЗДТГ-ын ХШҮХ-т хүргүүлэн ажиллаж байна.

Мөн НЗДТГ-аас “Аз жаргалтай хотын индекс”-ийн мэдээллийн бодит байдалд үнэлгээ өгөх, мониторингийн ажлыг 2018 оны 05 дугаар сарын 14-ний өдөр 1, 2 дугаар хороонд хийж, мониторингийн ажлын хэсэгтэй хамтран хороодод мэдээллийн анхан шатны бүртгэл, түүний хөтлөлт, динамик бүрдүүлэлт, хэсгийн ахлагч нарын бүртгэл хөтлөх талаар заавар зөвлөгөөг өгөв. Хороодын индексийн 2016, 2017 оны мэдээллийг нэгтгэж, дүүргийн 66 үзүүлэлтийг гарган, Нийслэлийн Статистикийн газарт цахим хэлбэрээр 2018 оны 10 дугаар сарын 03-ны өдөр хүргүүлэв.

Индекс хариуцсан ажилтныг өөрчлөгдөхөд индекстэй холбоотой судалгаа, тайлангуудыг тухай бүр хүлээлцэн ажиллаж байна.

Оны эхний 6 дугаар сарын байдлаар 34,0 сая төгрөгийн санхүүжилт орж ирсэн ба 3 ажилд  гүйцэтгэлээр 10,7 сая төгрөгийг олгоод байна.

Мөн хөрөнгө оруулалтын ажлын гүйцэтгэлд хяналт тавьж, баримтын бүрдлийг батлагдсан маягтын дагуу гаргуулахад онцгойлон анхаарч ажиллаж  байна.

Хөрөнгө оруулалтын санхүүжилтийн мэдээ,  худалдан авах ажиллагааны нэгтгэсэн тайланг холбогдох газарт тухай бүрт нь хүргүүлэн ажиллалаа.

Сангийн сайдын 363 дугаар тушаалаар 2017 онд шинэчлэгдэн батлагдсан журмын дагуу дүүргийн Төсвийн ерөнхийлөн захирагчийн худалдан авах ажиллагааны тайланг хагас жилийн байдлаар гарган, дүүргийн Дотоод аудитын албаар хянуулан Сангийн яаманд хүргүүлсэн ба жилийн эцсийн биелэлтийг хуулийн хугацаанд хүргүүлэхээр бэлтгэл ажлыг хангаж байна.

Уг хурлаар 1-р хорооноос 36 санал, 2-р хорооноос 22 санал гарсныг нэгтгэн, мөн дүүрэгт  2019 онд Улс нийслэлийн төсвийн хөрөнгө оруулалтаар хийгдэх зураг төсөв бүхий 12 ажлын саналыг хуулийн хугацаанд Нийслэлийн Засаг даргын Тамгын газрын Бодлого төлөвлөлтийн хэлтэст хүргүүлсэн.

Дүүрэгт хөрөнгө оруулалтаар хийгдэж буй ажлуудын худалдан авах ажиллагааны болон гүйцэтгэлийн явцад дүүргийн удирдлагууд, худалдан авах ажиллагааны алба, Тохижилт, худалдаа үйлчилгээний хэлтэс, иргэдийн төлөөлөлтэй  хамтран ажиллаж, хийсэн ажлуудад хяналт тавих, санал гаргах, зөвлөгөө өгөх чиглэлээр ажиллаж байна.

Дүүрэгт одоогийн байдлаар А3 гэрчилгээтэй 8 иргэн, 26 албан хаагч судалгаанд хамрагдсан ба  2018 оны хөрөнгө оруулалтын ажлын давхардсан тоогоор 13 үнэлгээний хороонд 8 иргэний төлөөллийг оролцуулан хөндлөнгийн хяналт тавиулан ажиллалаа.

Цахим хэлбэрээр тендерийг зохион байгуулахад ХААА-ны техник, тоног төхөөрөмжийн хүчин чадал хүрэлцэхгүй, үзүүлэлтийн хувьд хоцрогдож, гацах зэрэг хүндрэлүүд гарч, ажил үйлчилгээг хэвийн явуулахад хүндрэлтэй байдаг тул техник, тоног төхөөрөмжийн шинэчлэлт хийх зайлшгүй шаардлагатай  байна.

“Нийслэлийн Боловсрол-2020” дэд хөтөлбөрийг хэрэгжүүлэх 21 заалт бүхий төлөвлөгөөг боловсруулан хэрэгжилтийг ханган ажиллав. Төлөвлөгөөний биелэлт 93.7%-тай хэрэгжсэн байна.

2018 оны жилийн эцсийн байдлаар 36 ажлыг дүүргийн Bagakhangai.ub.gov.mn сайт, Багахангай дүүргийн хэвлэл, мэдээлэл фэйсбүүк хаяг дээр байршуулсан байна.

– “Хангайн Хашчулуу” ТББ нь орчин үеийн тоног төхөөрөмжөөр сэргээн засах өдрийн үйлчилгээ үзүүлэх

-“Улаан загалмайн хороо” гэрийн асрамж халамжийн үйлчилгээг үзүүлэх

-“Монголын эрэгтэйчүүдийн хөгжлийн нийгэмлэг”, “Цэлмэг ухаан-нандин хүсэл” ТББ-ууд сургалт, зөвлөн туслах үйлилгээ үзүүлэн хамтран ажиллаж байна.

Хөдөлмөр эрхлэлтийг дэмжих төсөл, хөтөлбөрүүдийн нээлтийн арга хэмжээг “Төсөл хөтөлбөр 2018” сэдвийн хүрээнд хороод, зөрлөг тус бүрт  зохион байгуулан 271  гаруй иргэдийг хамрууллаа.

Хөтөлбөрийн хүрээнд:  Хөдөлмөр эрхлэлтийг дэмжих 5 төсөл, хөтөлбөрийн хүрээнд иргэдийн төслийг хүлээн авч шалгаруулан 39 иргэнд 179.0 сая төгрөгний санхүүжилт, зорилтот өрхийн болон бүртгэлтэй ажил хайгч 90 иргэнийг нийтийг хамарсан ажилд хамруулан 24.6 сая төгрөг, бүлгийн зохион байгуулалттай хүнсний ногоо тариалах ажилд 29 иргэн хамруулан 12.5 сая төгрөг, “Зохион байгуулалттай ажлын байр” туршилтын төсөлд 22 иргэн хамруулан 2.2 сая төгрөг зарцууллаа.

Мөн мэргэжлийн чиг баримжаа олгох сургалтанд 342 иргэн хамруулан 2.0 сая төгрөг зарцуулан зөвлөгөө өгөх, мэдээллээр хангах үйлчилгээг 421 иргэнд үзүүллээ.

“Нийслэлийн эрүүл мэнд” дэд хөтөлбөрийг хэрэгжүүлэх 3 бүлэг 15 заалт бүхий төлөвлөгөө боловсруулан хэрэгжилтийг ханган ажиллаж байна.

Төлөвлөгөөний биелэлт 86.7%-тай хэрэгжсэн байна.

Сүрьеэ өвчнөөр шинээр илэрсэн тохиолдол байхгүй ба шилжиж ирсэн 1, эмийн дасалтай 1 нийт эмчийн хяналтанд 2 өвчтөн эмчилгээ хийлгэж байна. “Сүрьеэ өвчинтэй тэмцэх өдөр”-ийн хүрээнд дүүргийн Эрүүл мэндийн төв, Улаан Загалмайн хороотой хамтран “Сүрьеэ өвчнөөс сэргийлье” сэдэвт сургалтыг 1 удаа зохион байгуулж нийт 32 иргэнийг хамруулав.

Халдварт бус өвчнөөс сэргийлэх иргэдэд эрүүл мэндийн боловсрол олгох зорилгоор 5 ААНБ-ын 124 ажилтан албан хаагчид,  зорилтот бүлгийн 46 иргэнд “Ахуйн осол гэмтлээс сэргийлье” сэдэвт сургалтыг 1 удаа зохион байгуулав.

Улаанбаатар хотын Ерөнхий менежерийн   2018 оны А/44 дүгээр тушаалаар  “Манай хороо-Миний гудамж” аян зарласантай холбогдуулан тус аяныг дүүргийн хэмжээнд 2018 оны 03 дугаар сарын 01-ний өдрөөс 10 дугаар сарын 01-ний өдөр хүртэл зохион байгуулж 7 бүлэг 29 заалт,  53  хэрэгжүүлэх үе шат бүхий төлөвлөгөө гарган биелэлтийг ханган ажиллав. Тус аянд 57 аж ахуйн нэгж байгууллага нэгдэн тохижилт, бүтээн байгуулалтанд  199.5 сая  төгрөг зарцуулав.

Тус аяны хүрээнд 1 дүгээр хорооны хэсгийн ахлагчдын баг тусгай байранд шалгарч 4.0 сая төгрөгөөр, хорооны зохион байгуулагч гадаадад аялах эрхийн бичгээр шагнууллаа.

Улаанбаатар хотын Захирагчийн ажлын албанаас зохион байгуулсан  “Харшлын эсрэг хамтдаа” уриатай “Шарилжгүй Улаанбаатар-3 аян”-ны хүрээнд шарилж устгалын ажлыг 3 удаа зохион байгуулж 24 ААНБ  58 иргэн 33164м2 талбайн зэрлэг ургамлыг устган төвлөрсөн хогийн цэгт  буулгав.  “Шарилжгүй Улаанбаатар-3 аяны хүрээнд идэвхтэй оролцсон 1 дүгээр хорооны ажлын албыг УБ хотын ЗАА-наас шагнаж урамшуулав.

Нийтийн эзэмшлийн эд хөрөнгийг арчлах, хамгаалах ажлыг Хот тохижилтын алба ОНӨААТҮГ хариуцан ажиллаж байна.

Эд хөрөнгийн тооллогыг хагас, бүтэн жилээр зохион байгуулж хороо тус бүрээр тооллогын бүртгэл хөтлөн нэгдсэн  судалгаатай болов.

Дүүргийн хэмжээнд Хөшөө-2, Хангай парк 1,2-1, дүүргийн хүндэтгэлийн чулуу нуман хаалга-1, мянганы зам дагуу дүүргийн сурталчилгааний самбар-2ш, сүүдрэвч-3, усан ориглуур-3, үерийн далан-2, модон гүүр-2, автобусны зогсоол-1, автомашины зогсоол-6, сандал-219, хогийн сав-136, нийтийн эзэмшлийн гэрэлтүүлэг-703ш, тоглоомын талбай-11, Спорт цогцолборын талбай-2 ширхэг  бүртгэлтэй байна.

Нийслэл болон орон нутгийн хөгжлийн санхүүжилтээр хийгдэж буй ажилд тухай бүр хяналт тавин ажиллаж байна.

Нийслэл, өгөдсөн үүрэг даалгаврын  хэрэгжилт хангагдав.

Хороод, “Хот тохижилтын алба” ОНӨААТҮГ, аж ахуйн нэгж байгууллагууд  “Тохижилт,  цэвэрлэгээний гурвалсан гэрээ”-г байгуулах ажлыг зохион байгуулав.

Тайлангийн хугацаанд 1 дүгээр хороо 45, 2 дугаар хороо  10, нийт 55 аж ахуйн нэгж байгууллага болон  худалдаа үйлчилгээний газруудтай гэрээ байгуулав.

Гэрээнд холбогдох хууль тогтоомж, дүрэм журмын хүрээнд хэрэгжүүлэх заалтуудыг тусгаж ажилласан бөгөөд хороодын Засаг дарга, Хот тохижилтын алба ОНӨААТҮГ гэрээний хэрэгжилтийг бүтэн жилээр дүгнэнэ.

Тайлангийн хугацаанд “Бүх нийтийн их цэвэрлэгээ”-г 7, “Цас цэвэрлэгээ”-г 2 удаа, “Хот тохижилтын алба” ОНӨААТҮГ түүвэр цэвэрлэгээг 11 удаа зохион байгууллаа.

Цэвэрлэгээнд давхардсан тоогоор 495 ААНБ, иргэд 3616 албан хаагч 219644 м2 талбайн үүсмэл хог хаягдлыг цэвэрлэж 93,5тн хогийг төвлөрсөн хогийн цэгт буулгав.

Дүүргийн Засаг дарга “Хот тохижилтын алба” ОНӨААТҮГ–тай  “Хог хаягдлын үйлчилгээ нийлүүлэх гэрээ”-г  2018 оны 05 дугаар сарын 09-ний өдөр байгуулав.

Дүүргийн хог хаягдлын олон нийтийн байцаагч нар тайлангийн хугацаанд 52 зөрчил илрүүлж зөрчлийн тэмдэглэл хөтлөн шийдвэрлэж ажиллав.

Мөн 1,2 дугаар хорооны орон сууцны айл өрх, аж ахуйн нэгж, байгууллагуудын цас мөс цэвэрлэх, хог хаягдлыг авах зураглал болон цагийн хуваарийг  дүүргийн засаг даргын орлогч, Хороодын засаг даргаар баталгаажуулан  1,2 дугаар хорооны орон сууцны айл өрх, аж ахуйн нэгж, байгууллагуудад мөрдүүлэн ажиллаж байна.

Дүүргийн хэмжээнд хог цуглуулалт  тээвэрлэлт тогтоогдсон график, цагийн хуваарийн дагуу хугацаандаа тогтмол явагдаж байна.

Мал амьтны сэг зэмээр байгаль орчин бохирдож хүн малын халдварт өвчин гарч болзошгүй нөхцөл байдал үүссэнтэй холбогдуулан дүүргийн нутаг дэвсгэрт хорогдсон мал, амьтны сэг зэмийг холбогдох зааврын дагуу устгах, хашаа хороо, өтөг бууц, бэлчээр, худаг ус, булаг шандыг цэвэрлэх, халдваргүйжүүлэх ажлыг зохион байгуулах тухай дүүргийн Засаг даргын 2018 оны А/61 дүгээр захирамжийн хэрэгжилтийг хангах ажлын хүрээнд Онцгой байдлын хэлтэс, Хот тохижилтын алба ОНӨААТҮГ, Цэфтрейд ХХК мал эмнэлгийн үржлийн үйлчилгээний нэгж хамтран 275 толгой үхсэн мал амьтны сэг зэмийг стандартын дагуу устгах, дарж булах, ариутгал халваргүйжүүлэлт хийх ажлыг гүйцэтгэв. Уг ажилд 1330500 төгрөг зарцуулав.

Дүүргийн нутаг дэвсгэрт худалдаа үйлчилгээ эрхлэгч аж ахуйн нэгж байгууллага, иргэдтэй байгуулж байсан гэрээг  2018 оны 06 дугаар сард Улаанбаатар хотын Захирагчийн ажлын албаны Хүнс, худалдаа үйлчилгээний хэлтэст хүргүүлсэн бөгөөд  гэрээ шинэчлэн боловсруулж байгаатай холбогдуулан дүүргээс тусгуулах  саналыг хүргүүлэв.

2018 оны 11 дүгээр сараас эхлэн Нийслэлийн хэмжээнд шинэчилсэн гэрээг байгуулж үйл ажиллагаа явуулах зөвшөөрөл олгож байгаа ба одоогоор  дүүргийн хэмжээнд 1 иргэнтэй гэрээ байгуулаад байна.

Өөрчлөлт хөдөлгөөнийг  тухай бүр хийж байна.

·         Засаг дарга-1

·         Засаг даргын орлогч-2

·         Засаг даргын зөвлөх-1

·         Засаг даргын Тамгын газрын дарга-1

·         Төрийн захиргааны удирдлагын хэлтэс-9

·         Санхүү, төрийн сангийн хэлтэс-6

·         Нийгмийн хөгжлийн хэлтэс-4

·         Тохижилт, худалдаа үйлчилгээний хэлтэс-4

·         Цэргийн штаб-2

·         Засаг даргын туслах-1

·         Төрийн байгууллагын хэвийн үйл ажиллагааг хангахад туслах үүрэг бүхий ТҮ-13 албан хаагч

Хороодод:

·         Хороодын Засаг дарга-2

·         ТЗ-4

·         ТҮ-2

·         Гэрэээт-10

·         НЗД-ын 2014 оны А/710 дугаар захирамжийн дагуу Тохижилт, хог хаягдлын олон нийтийн байцаагч-2 гэрээт

Батлагдсан бүтэц, орон тооноос илүү томилсон албан хаагч байхгүй байна.

Хүний нөөцийн бодлогыг хэрэгжүүлэх, албан хаагчдыг мэргэшүүлэх, чадавхжуулах ажлын хүрээнд 4 зорилт, 12 арга хэмжээ бүхий Төрийн албан хаагчийн сургалт хөтөлбөр, төлөвлөгөө, 4 зорилт, 15 арга хэмжээ бүхий Төрийн албан хаагчийн ажиллах нөхцөл, нийгмийн баталгааг хангах хөтөлбөр, төлөвлөгөөг шинэчлэн боловсруулж, хэлтэс, нэгжүүдээр хэлэлцүүлэн ЗДТГ-ын даргын 2018 оны 02 дугаар сарын 06-ны өдрийн А/08 дугаар тушаалаар батлуулан хэрэгжилтийг ханган ажиллав.

Төрийн захиргааны албан хаагчдын 2018 оны үр дүнгийн гэрээний биелэлт, төрийн үйлчилгээний болон гэрээт албан хаагчдын 2018 оны үйл ажиллагааны төлөвлөгөөний биелэлтийг эхний хагас жилийн байдлаар хүлээн авч дүгнүүлэн Засаг даргын Тамгын газрын даргын 2018 оны А/33 дугаар тушаалаар сарын үндсэн цалингийн 36-40 хувиар урамшуулал олгосон бөгөөд эхний хагас жилийн байдлаар 52 албан хаагчийн үйл ажиллагааг дүгнэснээс 28 албан хаагч А, 24 албан хаагч В үнэлгээтэй дүгнэгдсэн байна.

Албан хаагчдын 2018 оны жилийн эцсийн үйл ажиллагааны үр дүн, мэргэшлийн түвшинг үнэлэх ажлыг 2018 оны 12 дугаар сарын 06-ны өдөр зохион байгуулж, нэгжийн менежер-5, төрийн захиргааны албан хаагч 21, төрийн тусгай албан хаагч 2, улс төрийн албан хаагч 1, төрийн үйлчилгээний албан хаагч 15, хэсгийн ахлагч 6, тохижилт хог хаягдлын олон нийтийн байцаагч 2, нийт 52 албан хаагч үйл ажиллагаагаа үнэлүүлснээс 18 албан хаагч А, 34 албан хаагч В дүгнэгдэв.

Нийслэлийн нутгийн захиргааны байгууллагуудын “UB ERP” дотоод удирдлагын систем ашиглалтанд орсонтой холбогдуулан албан хаагчдын мэдээллийг уг системд шивж оруулан, системд хандах эрхийг нь нээж өглөө.

Төрийн албаны зөвлөлийн 2004 оны 18 дугаар тогтоолоор баталсан ”Төрийн албан хаагчийн хувийн хэрэг хөтлөх журам”-д заасан бүрдүүлбэрийн дагуу байгууллагын ажилтан, албан хаагчдын хувийн хэргийг хөтөлж, албан хаагчдад холбогдолтой ажилд орсон гарсан шийдвэр, хөдөлмөрийн дэвтрийн болон нийгмийн даатгалын хуулбар, зэрэг дэвийн нэмэгдэл олгосон, цалингийн шатлал ахиулсан, шагнаж урамшуулсан, сахилгын шийтгэл ногдуулсан, тусламж дэмжлэг үзүүлсэн, улсаас авсан гавьяа шагналын хуулбарыг хувийн хэрэгт хавсарган баяжуулж, товьёг, албан хаагчийн мэдээлэл, албан тушаалын картыг шинэчлэв.

2018 онд шинээр ажилд томилогдсон 12 албан хаагчид хувийн хэрэг үүсгэн бичиг баримтыг бүрдүүлэв.

Хувийн хэргийг журмын дагуу бүрдүүлэн ажиллав.

хэмжээний акт батлан гаргахдаа Захиргааны ерөнхий хуульд заасан шаардлагад нийцүүлэн хийж гүйцэтгэх, батлан гаргасан захиргааны шийдвэрүүдэд Захиргааны Ерөнхий хуулийн 29 дүгээр зүйлд заасны дагуу хувийн хэрэг бүрдүүлж, архивын нэгж болгож хэвших

“Өргөдөл, гомдлын нэгдсэн систем”-ийн ашиглалтад хяналт тавих нэгдсэн шалгалтыг 2018 оны 11 дүгээр сарын 22, 29-ний өдрүүдэд дүүргийн төсвийн 20 аж ахуйн нэгж, байгууллагад хийн, өргөдөл, гомдлын шийдвэрлэлт, програм ашиглалт, хугацаатай холбоотой 3 нэр төрлийн зөрчлийг гаргахгүй байхад анхаарч ажиллах талаар мэдээлэл өгч, зөвлөмжийг хүргүүлэн ажиллав.

Дүүргийн вэб сайтыг шинэчлэн хийхээр “Мөнх Цогт Оргил” ХХК-тай гэрээ байгуулан ажиллаж байгаа бөгөөд эхний байдлаар хүлээлгэн өгсөн вэб сайтын ажиллагааг нягтлан шалгаж засварлах шаардлагатай цэс, зохион байгуулалтын жагсаалтыг гаргаж гүйцэтгэгч компанид албан бичгээр хүргүүлэн ажиллаж байна.

Вэб сайтыг шинэчлэн хийлгэж ашиглалтад оруулснаас хойш 2018 оны жилийн эцсийн байдлаар дүүргийн вэб сайтад нийт 35 мэдээ мэдээллийг байршуулаад байна.

Захирамжлалын баримт бичгүүдийг дүүргийн вэб сайт bagakhangai.ub.gov.mn сайтын Засаг даргын захирамж цэсэнд тухай бүр оруулан ажилласан бөгөөд нийт 188 захирамжийг байршуулж иргэдэд хүргэн ажиллалаа.

Bagakhangai.ub.gov.mn сайтад Багахангай дүүргийн ЗДТГ-ын  шилэн дансны сайтын холбоосыг шинээр цэс үүсгэсэн бөгөөд хэвийн ажиллагаатай явагдаж байна.

Мөн БАГАХАНГАЙ ДҮҮРЭГ ХЭВЛЭЛ МЭДЭЭЛЭЛ группт Нийслэл болон дүүргээс хэрэгжүүлж буй үйл ажиллагаа, бодлого шийдвэр, цаг үеийн холбогдолтой 395 мэдээ, мэдээлэл, Багахангай дүүрэг Хэвлэл мэдээлэл фэйсбүүк профайлд 94 мэдээллийг байршуулан иргэдэд мэдээллийг тогтмол хүргэж байна.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааг  иргэд, олон нийтийн хяналт дор, ил тод өрсөлдөх тэгш боломжийг хангах үүднээс хуулийн хүрээнд үйл ажиллагааг цахим хэлбэрээр  явуулж, гүйцэтгэлийн явцын мэдээг Сангийн яамны www.mof.gov.mn сайт, Засгийн газрын www.tender.mn сайт, дүүргийн www.bagakhangai.ub.gov.mn сайтуудад тус тус байршуулж байна.

Сангийн яамны www.mof.gov.mn сайтад ОНХС-гийн 2018 оны төлөвлөгөөг оруулсан ба хэрэгжсэн ажлуудын гүйцэтгэл болон холбогдох мэдээ мэдээллийг тухай бүрт шивж оруулан, мэдээллийг баяжуулан ажиллаж байна.

1.         Дүүргийн www.bagakhangai.ub.gov.mn сайтад:

1.1.      2018 оны худалдан авах үйл ажиллагааны төлөвлөгөөг 2018.01.10-ны өдөр,

1.2.      Худалдан авах ажиллагааны 2018 оны бараа, ажил, үйлчилгээ худалдан авалтын ерөнхий тайланг 2017.04.04-ний өдөр

1.3.      2017 оны Орон нутгийн хөгжлийн санд хийсэн санхүүгийн аудитын тайланг 2018.03.30-ны өдөр,

1.4.      Гар утасны апликэйшнээр ОНХС-гийн санал өгөх талаарх мэдээлэлийг 2018.03.28-ны өдөр,

1.5.      Хөрөнгө оруулалтын барьцаа дансны 2017 оны жилийн эцсийн мэдээг 2018.01.11-ний өдөр,

2.         Улсын шилэн дансны www.shilendans.gov.mn сайтад:

2.1.      2018 оны худалдан авах үйл ажиллагааны  болон Орон нутгийн хөгжлийн сангийн төлөвлөгөөг хуулийн хугацаанд,

2.2.      5 саяас дээш үнийн дүн бүхий худалдан авсан бараа, ажил, үйлчилгээний нэр, санхүүжилтийн хэмжээ, нийлүүлэгч”-ийн мэдээ, ОНХС-гийн төлөвлөгөө, гүйцэтгэл”-ийг сар бүр,

2.3.      2017 оны Орон нутгийн хөгжлийн санд хийсэн санхүүгийн аудитын  тайланг хуулийн хугацаанд тус тус байршууллаа.

Мөн оны эхний 12 сарын байдлаар тендерийн 13 урилгыг дүүргийн цахим www.bagakhangai.ub.gov.mn сайт, Засгийн газрын www.tender.gov.mn  сайтад байршуулан, иргэд, олон нийтэд  ажлаа  ил тод  тайлагнан ажиллалаа.

Дүүргийн ИТХ-ын 2017 оны 12 дугаар сарын 15 өдрийн А/11 тоот тогтоолоор дүүргийн төсвийг баталсан бөгөөд тус тогтоолыг 2018 оны  01 сарын 05-ны өдөр, татварын орлогын мэдээг сар бүрийн 8-ны дотор,  Дүүргийн төсвийн гүйцэтгэлийн зарлагын  нэгдсэн мэдээг сар бүр  гарган хуулийн хугацаанд дүүргийн шилэн дансны www.Bagakhangai.ub.gov.mn сайт, нийслэлийн шилэн дансны www.shilendans.gov.mn сайт, улсын шилэн дансны www.shilendans.gov.mn сайт  болон байгууллага, хэлтсийн мэдээллийн самбарт байршуулан  иргэдийг нээлттэй ил тод мэдээллээр хангахад анхаарч ажиллаж байна.